2018 - KIA Bronshringurinn 48 km

Skráningu lokið

 

Skráningu í KIA Gullhringinn 2018 er lokið 

Keppnisgögn verða afhend í ÖSKJU á fimmtudag milli 12:00 og 18:00 
( en EKKI föstudag )

Hægt verður að nálgast keppnisgögn á Fontana á Laugarvatni frá klukkan 10:00 á Laugardagsmorgun og kaupa svokallaðar “forstjóraskráningar” á 14.900,- sem tryggja þátttöku rétt samdægurs. 

RÆSING ER KLUKKAN 16:00 Í ÁR EN EKKI KLUKKAN 18:00 EINS OG FYRRI ÁR 

nánar um keppnina í ár … 

ÁRÍÐANDI UPPLÝSINGAR KIA GULL 2018 - 25. ÁGÚST 
KEPPNISGÖGN ERU AFHENT Í BÍLAUMBOÐINU ÖSKJU Á KRÓKHÁLSI Á FIMMTUDAGINN Á MILLI KLUKKAN 12:00 OG 18:00. Ítarleg keppnishandbók fylgir hjólreiðatímaritinu Pedölum sem kemur í gjafapokanum með öllum keppnisgögnunum. 
DAGSKRÁ KIA GULLHRINGSINS LAUGARDAGINN 25. Ágúst 
Við mælum með því að keppendur og fjölskyldur þeirra komi snemma á Laugarvatn. Þar er nóg við að vera, gæða veitingastaðir, afþreying og ferðaþjónusta.
Kl. 10.00 - Bílastæðin fyrir keppendur eru opnuð; þau eru fyrir innan sundlaugina og Fontana en þar er stórt og mikið plan og nægt pláss fyrir alla.
Kl. 10.00-16.00 - Afgreiðsla í Fontana opnar. Hægt er að sækja ósótt gögn og kaupa svokallaðar „last minute“ keppnisflögur fyrir þá sem ákveða að taka þátt á síðustu stundu. 
Kl. 15.45 – BRAUTARFUNDUR á planinu hjá Hótel Eddu Menntaskólanum á Laugarvatni og ræst í hollum þaðan. 
Kl. 16.00 – KIA GULLHRINGURINN 2018 RÆSTUR. 
Allir flokkar ræstir saman; nokkrar mínútur á milli ræsingar flokka.  
18:30 Grillpartý SS og Holta byrjar við vesturenda íþróttahússins
21.00 – Verðlaunaafhending í íþróttahúsi Menntaskólans við Laugarvatn 
22.00 – Mótslit Kia Gullhringsins 2018. 
Í öllum vegalengdum og flokkum Kia Gullhringsins gilda kaflar 3.4 til og með 7.1 í reglum Hjólreiðasambands Íslands (HRÍ), að öllum köflum þar á milli meðtöldum.
Að auki gilda eftirfarandi reglur til viðbótar eða víkja til hliðar reglum HRÍ:
A. Allir keppendur verða að hafa rautt STÖÐUGT ljós að aftan (EKKI BLIKK). Búnaður verður kannaður hjá rásmarkinu. Keppendur sem ekki eru með ljósabúnað fá 1 mínútu bætt við niðurstöðu sína sem refsitíma.
B. Fylgdarbílar eru bannaðir.
C. Keppnisradíó eru bönnuð.
D. Bannað er að henda rusli frá sér í keppninni. Broti á þessu verður mætt með tafarlausri brottvísun úr keppni. 
Dómarar með UCI-réttindi munu dæma keppnina. Reglur þessar er að finna í heild sinni ásamt ítarefni á https://gullhringurinn.is/#rules.
ÖRYGGI KEPPENDA 
Læknir er á staðnum sem er starfsmaður mótsins.
Fullbúinn sjúkraflutningabíll með tveimur sérhæfðum sjúkraflutningamönnum er á Laugarvatni á vegum mótsins ef eitthvað skyldi koma fyrir.
Lögregla og sjúkraflutningar Árnessýslu eru í viðbragðsstöðu og með viðbúnað á mótsstað og aðstoða við lokanir á umferð.
Félagar frá Björgunarsveitunum í Uppsveitum Árnessýslu og frá Selfossi gæta brautarinnar og sinna götulokunum með lögreglu. 
Allir keppendur verða að vera á brautarfundinum við Hótel Eddu / ML kl. 15.45.
Neyðarnúmer mótsins er 112. Ef eitthvað kemur fyrir í brautinni er starfsfólk 112 meðvitað um að keppnin sé í gangi og þekkja hvaða björgunaraðilar eru á vakt á staðnum.
Hægt er að hringja í mótsstjórn í 618-9000 varðandi öll önnur minniháttar mál. 
Það verður hægt að nálgast keppnisgögn í Fontana á Laugarvatni frá klukkan 10:00 til 16:00 á keppnisdag. 
EINNIG VERÐUR HÆGT AÐ SKRÁ SIG Í KEPPNINA Á SAMA TÍMA Í FONTANA OG ER KEPPNISGJALD Á MÓTSDAG 14.900 KR.
BRAUTARLÝSINGAR
Kia Gullhringurinn – 106 km
A flokkurinn er fyrir lengra komna og með reynslu af hjólreiðum og ætlað götuhjólum fyrst og fremst (racer/cyclocross). Hjólað er frá Laugarvatni sem leið liggur að Geysi. Beygt er til hægri inn á Biskupstungnabraut rétt fyrir neðan Geysi og keyrt niður allar Biskupstungurnar sem leið liggur yfir Brúará og inn á Grímsnesið alla leið niður að Þingvallaafleggjaranum. Þaðan er hjólað upp Þingvallasveitina að beygjunni inn á Lyngdalsheiði og þaðan er svo hjólað í mark við Laugarvatn.
Kia Silfurhringurinn – 60 km
Silfurhringurinn er fyrir þá sem hafa einhverja reynslu af því að hjóla og ætlað götuhjólum fyrst og fremst (racer/cyclocross). Hjólað frá Laugarvatni sem leið liggur að Geysi. Beygt til hægri inn á Biskupstungnabraut rétt fyrir neðan Geysi og keyrt niður allar Biskupstungurnar sem leið liggur yfir Brúará og inn á Grímsnesið alla leið að bænum Svínavatni. Þar er beygt til hægri inn á veginn upp að Apavatni og þaðan er svo hjólað sem leið liggur í mark á Laugarvatni.
Kia Bronshringurinn – 48 km
Bronshringurinn er rétt um 45 kílómetra hringur utan um Laugarvatn. Það þátttökustig er fært venjulegum hjólum, fjallahjólum og cyclocross-hjólum. Hér er um lauflétta keppni að ræða. Ekki mikið af brekkum og einstaklega fallegt landslag í hjarta sögu miðalda á Íslandi með Þingvelli, Laugarvatn og Skálholt í augnsýn.
Hjólað frá Laugarvatni að Geysi, beygt inn á Reykjaveg, rétt ofan við Boðmóðsstaðaafleggjarann, og keyrt niður Reykjaveginn yfir Reykjaheiði (misgrófur malarvegur) inn á Biskupstungnabraut fyrir neðan Vegatungu sem leið liggur yfir Brúará og inn á Grímsnesið að bænum Svínavatni. Þar er beygt til hægri inn á veginn upp að Apavatni og þaðan er svo hjólað sem leið liggur í mark á Laugarvatni.
NOKKRIR PUNKTAR
• Bronshringurinn er EKKI götuhjólafær en það sleppur ef maður er slunginn hjólari.
• Allir fá fjóra tíma til að klára sína braut og tímatöku lýkur kl. 21.00.
• Verðlaunaafhending hefst kl. 21.00 á Meistaravöllum. Við endum svo á hinum annáluðu glæsilegu útdráttarverðlaunum okkar! 
AÐRIR SKILMÁLAR
Keppendur eru á eigin ábyrgð í keppninni.
Hjól eru ekki tryggð á vegum keppninnar. Hver þáttakandi sér um sínar eigin tryggingar.
Hjálpumst að við að halda náttúru landsins okkar hreinni og fallegri. Óheimilt er með öllu að kasta frá sér rusli á leiðinni, þ.m.t. drykkjarílátum, umbúðum utan af orkugeli eða orkubitum. Glerílát eru bönnuð. Brot á umgengnisreglum varða brottvísun úr keppni.
Gullhringurinn áskilur sér rétt til að nota myndir og myndbandsbúta af þátttakendum í markaðsefni keppninnar.
ALMENNAR UPPLÝSINGAR
• Salerni fyrir keppendur er í sundhöllinni í íþróttamiðstöðinni.
• Allir fá gjafabréf á heimsókn í Fontana en það er takmarkað pláss þar, þannig að þeir sem ekki nýta gjafabréfið á keppnisdegi hafa 12 mánuði til þess.
• Fínt er að taka með hlý föt til að henda yfir sig um kvöldið á verðlaunaafhendingunni – við mælum með Cintamani :)
SAMFÉLAGSMIÐLAR 
Kia Gullhringurinn er á Instagram! https://instagram.com/gullhringurinn/og myllumerki keppninnar er #kiagull. Það verður bullandi stuð á Instagram og við biðjum ykkur endilega að merkja með merkingunni okkar #kiagull.
Kia Gullhringurinn er á www.kiagullhringurinn.is/ og https://facebook.com/gullhringurinn/.
TJALDSVÆÐIР
Tjaldsvæðið Laugarvatni er opið og þangað eru allir velkomnir. Síminn hjá umsjónarfólkinu til að taka frá stæði og annað er 615-5848. Þá er einnig hægt að nota netfangið: smidsholt@gmail.com 
HÓTELGISTING
Hótelin eru með aðstöðu til að geyma hjólin í læstum skúr en engin ábyrgð er tekin á þeim. Fínt er að geta fengið sér vel af grillinu og einn, tvo kalda og leggja sig svo bara á Laugarvatni og njóta náttúrunnar og taka jafnvel aðra umferð í Fontana morguninn eftir. Skoðaðu framboðið á hoteledda.is 
Þá er einstaka sinnum laust herbergi á hinum rómaða Héraðsskóla, sem er blanda af hóteli og svefnpokagistingu sem vel er þess virði að skoða betur. Fyrir þá sem ná að panta þar segjum við bara „vel gert“, það er toppurinn. 
VEITINGAR 
Við mælum með Lindinni, sem hefur stutt við bakið á keppninni okkar frá því að við byrjuðum að halda hana sumarið 2012. 
GÓÐ RÁÐ FYRIR ALLA SEM KEPPENDUR
Hjólreiðakeppnismenningin hefur breyst hratt á síðustu árum og nú hjóla saman mun stærri og öflugri hópar hjólreiðafólks í keppnum en hér á árum áður. Margir byrjendur koma inn í sportið af mikilli líkamlegri getu og eiga jafnvel auðvelt með að vera í fremstu röð en það segir ekkert til um það hvort þeir hinir sömu kunni að vera í hóp fremstu hjólreiðamanna. Þar er margt að varast og aðstæður geta breyst mjög hratt.

Þátttakendur:

Númer Nafn Fæðingarár Land
100 Baldur Smári Gunnarsson 1976 Iceland
102 Birgir Bjarnfinnsson 1967 Iceland
104 Sigurður Karlsson 1967 Iceland
105 Stefán Jónsson 1981 Iceland
106 Karel Wium Ákason 1993 Iceland
107 Rakel Þorbjörnsdóttir 1996 Iceland
109 Rúnar Jónsson 1949 Iceland
110 Óttar Þorsteinsson 2005 Iceland
111 Þorsteinn Lárusson 1970 Iceland
112 Róland Ríkharður Assier 1957 Iceland
113 Sigurlaugur Þorkelsson 1989 Iceland
114 Jódís Dagný Vilhjálmsdóttir 1991 Iceland
115 Ingimar Jónsson 1992 Iceland
116 Heiðbjört Arney Höskuldsdóttir 1995 Iceland
117 Mikael Þór Halldórsson 1973 Iceland
118 Lilja Þorsteinsdóttir 1979 Iceland
119 Lárus Guðmundsson 1972 Iceland
121 Ríkarður Sigmundsson 1972 Iceland
122 Guðrún Ágústa Guðmundsdóttir 1966 Iceland
124 Þorleifur Óskarsson 1975 Iceland
125 Andri Ólafsson 1987 Iceland
126 Kristín Dúadóttir 1960 Iceland
127 Ólöf Ösp Halldórsdóttir 1988 Iceland
128 Hálfdan Örn Kristjánsson 1969 Iceland
129 Guðrún Hafdís Hlöðversdóttir 1970 Iceland
130 Bjarndís Bjarnadóttir 1969 Iceland
131 Laurent Somers 1972 Iceland
132 Davíð Magnússon 1983 Iceland
133 Ólafur Vigfússon 1959 Iceland
134 Sigurlaug Jónsdóttir 1986 Iceland
135 Hlynur Hreinsson 1968 Iceland
136 Breki Þór Óttarson 2004 Iceland
137 Óttarr Hrafnkelsson 1967 Iceland
139 Sveinn Stefánsson 1969 Iceland
140 Dagný Arnþórsdóttir 1970 Iceland
141 Daði Auðunsson 1980 Iceland
142 Finnbjörn Ragnar Aðalheiðarson 1969 Iceland
143 Pála Þórisdóttir 1969 Iceland
144 Sveinbjörg Jónsdóttir 1979 Iceland
145 Lena Sólborg Valgarðsdóttir 1981 Iceland
146 Einar Sveinsson 1956 Iceland
147 Þorvaldur Daníelsson 1970 Iceland
148 Helgi Þorgilsson 1977 Iceland
149 Anton Ingvason 1977 Iceland
151 Guðfinnur Halldórsson 1949 Iceland
154 Jóhanna Sigurðardóttir 1978 Iceland
155 Hafþór Örvar Sveinsson 2005 Iceland
156 Elías Hrafn Helgason 2003 Iceland
158 Freyja Dís Benediktsdóttir 2005 Iceland
159 Birta Sif Kristmannsdóttir 1995 Iceland
160 Ásta Ingibjörg Þorsteinsdóttir 1977 Iceland
161 Oliver Hersteinn Valdimarsson 2002 Iceland
162 Jóhann Aron Traustason 1972 Iceland
163 Hrafnhildur M Gísladóttir 1991 Iceland
164 Ragnheiður H Gísladóttir 1989 Iceland